P 6261 Sunnhordland Museum får økonomisk støtte til - Rehabilitering av hovedbygg "Nye Sunnhordlandstunet

Dette ble klart da Stiftelsen UNI i sitt styremøte 10. juni 2020 besluttet å innvilge
kr. 500.000 til ovennevnte prosjekt.

Sunnhordland museum ønsker å rehabilitere administrasjonsbygget på Leirvik, Stord. Sunnhordland museum er regionalt ansvarsmuseum for dei 8 Sunnhordlandskommunane Stord, Fitjar, Bømlo, Sveio, Tysnes, Kvinnherad og Austevoll. Museet er en «minnebank» for heile Sunnhordland. Det vil sei at museet dokumenterer regionen si historie gjennom innsamling, bevaring, forsking og formidling. Sunnhordland museum forvaltar nær 50 antikvariske bygningar, ei stor gjenstandssamling, samt foto-og privatarkivsamlingar.

Sunnhordland museum sitt hovudbygg ligg sentralt på Leirvik, omkransa av 11 antikvariske bygningar henta frå heile Sunnhordland. Til saman utgjer dette Sunnhordlandstunet. Hovudbygget rommar funksjonar for bevaring av gjenstandar, administrasjon, utstillingar, formidlings og publikumsaktivitet, bibliotek og verkstad.
Vasslekkasjar, fukskader, lite fleksible utstillings- og publikusmsareal gjer at bygget sårt treng ei rehabilitering og oppgradering.

Museet har sidan 2011 arbeid med planar for rehabilitering av bygget. Prosjektet omfattar både nybygg og rehabilitering/ombygging av eksisterande bygningsmasse.

Nye utstillings og publikumsareal:
Eksisterande bygg er bygd i 3 byggjesteg og over fleire nivå. Museet har i dag ikkje eit tilbod som svarar til krava om universell utforming, t.d. har rullestolbrukarar svært begrensa tilgang til museet. Vidare manglar museet eigna lokale for publikumsarrangement, matservering/kafédrift og museumsbutikk. Lokala som vert nytta til utstillingar i dag er umoderne, lite funksjonelle og har vore prega av vasslekkasjar frå taket. Rehabiliteringa av museumsbygninga vil bøta på desse problema. Museet vil få heilt nye innbydande og funksjonelle lokale for utstillingar, publikumsmottak, kafédrift og museumsbutikk, festsal og blackboks/filmvisning. Musea møter stadig veksande krav frå det offentlege om auka eigeninntjening. Nye og oppgraderte lokale vil gje betre moglegheiter for å auka innteninga både med moglegheit for butikk og kafé, utleigemolegheiter og ikkje minst meir attraktive lokale for publikum å besøkja.

Nye administrasjonslokale:
Museet har i dag dårleg eigna administrasjons, - og kontorlokale for dei tilsette med dårleg inneklima, for få arbeidsplassar og ingen rom for lagring, møte og andre fellesfunksjonar. Prosjektet vil utbetra denne situasjonen med nye og moderne administrasjonslokale med naudsynte funksjonar.

Oppgraderte uteområde:
Uteområde på museet treng ei oppgradering. Slik det er i dag er det lite plass for parkering, dårleg tilkomst for bussar, ueigna for rullestolbrukarar og det er behov for eit estetisk løft. Prosjektet tek høgde for å oppgradera uteområde med betre tilkomst, parkering og eit meir innbydande uteområde.

Prosjektet er grundig gjennomarbeida når det gjeld tekniske løysningar, romprogram og tilhøyrande inventar. Prosjektet er klar for anbodskonkurranse i samsvar med lov og forskrift om offentlege innkjøp. Prosjektet har ei estimert byggjetid på 9-10 månader. Museet har planlagt for 12 månader byggjetid, og av desse er det planlagt for 8 månader leige av kontorlokale. Museet vil ikkje kunne ha publikumstilbod i Sunnhordlandstunet i perioden, korkje i bygget og heller ikkje i tilhøyrande hus på tunet. Sunnhordland museum er ansvarleg byggjeherre for prosjektet. Det er budsjettert med byggjeleiing. Museet vil nytta innleigd kompetanse til å ivareta ansvaret. Dette er med å sikre at prosjektet vert gjennomført utan budsjettoverskridingar.